१० वी आणि १२ वीच्या परीक्षेत उत्तम मार्कांनी पास होण्यासाठी ७ उपयुक्त मुलमंत्र

                                         

 १० वी आणि १२ वीच्या परीक्षेत उत्तम मार्कांनी पास होण्यासाठी ७ उपयुक्त  मुलमंत्र   

१० वी आणि १२ वीच्या परीक्षेचे शिक्षणप्रणाली मध्ये विशिष्ट महत्व आहे. या परीक्षांना सामान्यतः बोर्डाची परीक्षा असे संबोधले जाते. या परीक्षा प्रत्येक विद्यार्थ्यांच्या जीवनातील खूप महत्त्वाच्या आणि त्यांच्या जीवनाला नवीन कलाटणी देणाऱ्या असतात.

या परीक्षेत मिळणाऱ्या चांगल्या मार्कांवर पुढे विद्यार्थ्यांना त्यांच्या आवडीच्या क्षेत्रात प्रवेश घेता येतो व आपले उज्ज्वल भविष्य घडवता येते. त्यामुळे उत्तम मार्कांनी  पास होणे हे प्रत्येक विद्यार्थ्याला वाटते.

या परीक्षेत उत्तम मार्कांनी  पास होण्यासाठी ७ उपयुक्त मुलमंत्र खास विद्यार्थ्यांसाठी.

मुलमंत्र १.
अभ्यासाची सुरवात लवकर करा

ही  दोन्ही शैक्षणिक वर्ष सुरू होण्याच्या आधी असणाऱ्या उन्हाळ्याच्या सुट्टीतच तुम्ही अभ्यासाची सुरूवात करा, त्यामुळे वर्षभर वर्गात शिकताना तुम्हाला विषय लवकर समजेल, त्यावर रोजच्या रोज अभ्यास केल्यास परीक्षा येईपर्यंत सर्व अभ्यासाची तयारी पुर्ण होईल.

मुलमंत्र २.
सर्व विषयांच्या नोट्स काढा

नोट्स म्हणजे प्रत्येक विषयातील संक्षिप्त माहिती काढून त्याचे आकलन करणे. नोट्स काढल्याने विषय सहजरित्या समजतो आणि लक्षात राहतो, त्यामुळे त्या विषयावर सविस्तरपणे उत्तर लिहिता येते.
नोट्स मुळे तुमचा वेळ आणि ऊर्जा वाचते, कमी वेळात अभ्यास पुर्ण होतो. आकलन शक्ती (memory), लक्ष केंद्रित होते आणि अभ्यासाची पुनरावृत्ती (revision) लवकर होते.


मुलमंत्र ३.
मागील वर्षांचे पेपर सोडवा

१० वी आणि १२ वी बोर्डाची परीक्षा असल्याने प्रश्नपत्रिकेचे स्वरूप कसे असेल याबाबत कल्पना नसते. प्रश्नपत्रिकेचे स्वरूप जाऊन घेण्यासाठी मागील ३ ते ४ वर्षांच्या प्रश्नपत्रिका सोडवा. या प्रश्नपत्रिका वर्षभरात सोडवल्यास तुमचा आत्मविश्वास वाढुन तुम्ही ही परीक्षा अगदी सहजतेने उत्तम मार्कांनी पास व्हाल.

मुलमंत्र ४.
शिक्षक  पालक अणि मित्रांची मदत घ्या 

काही विषय, काही प्रश्न हे बऱ्याच विद्यार्थ्यांना कठीण वाटतात. ते कसे सोडवायचे हे कळत नाही. त्यामुळे विद्यार्थी त्या विषयांचा अभ्यास करायला चालढकल किंवा टाळाटाळ करतात. तसे न करता सर्वात आधी कठीण विषयांचा अभ्यास करा. विषय व्यवस्थित समजण्यासाठी मदत घ्या.

तुम्ही तुमचे वर्गशिक्षक, मित्र आणि घरातील सदस्यांची मदत घ्या. ते विषय पुर्णपणे समजून घ्या आणि रोज त्या विषयांचा स्वतः सराव करा. रोजच्या रोज सातत्याने सराव केल्यास ते कठीण विषय सोपे वाटायला लागतील आणि तुम्ही ते विषय अगदी सहजरित्या पास व्हाल.

मुलमंत्र ५.
मित्र मैत्रिणीं बरोबर  अभ्यास करा

मित्र मैत्रिणीं बरोबर अभ्यास केल्यास, प्रोत्साहन मिळते, आत्मविश्वास वाढतो, एक ऊर्जा मिळते, पोषक  वातावरण निर्माण होते त्यामुळे अभ्यास करण्यास हुरूप येतो.  बरोबर अभ्यास केल्याने चर्चा व संवादाद्वारे कठीण विषय नीट आणि योग्यरीत्या समजण्यास मदत मिळते. अभ्यास करण्याची  चालढकल होत नाही त्यामुळे रोजच्यारोज अभ्यास होतो.

सर्जनशीलता (Creativity) वाढते, अंतरंग समजण्याची कुवत वाढते (insights),  प्रत्येकाकडे विशिष्ट प्रतिभा (talent) असते त्यामुळे विविध पद्धतीने विषय समजण्यास मदत होते.

(एकत्र अभ्यास करताना संपुर्ण लक्ष आणि वेळ अभ्यासवरच केंद्रित करा)

मुलमंत्र ६.
Acronyms, Abbreviations वापरा

Acronym उदाहरणार्थ: NASA (an acronym for National Aeronautics and Space Administration)
Abbreviations उदाहरणार्थ: Mar (March)

अभ्यास करताना या पद्धतीचा वापर केल्यास स्पष्टता (clarity) मिळते, शॉर्ट मध्ये लिहिल्याने लवकर लक्षात राहून पटकन आठवते.


मुलमंत्र ७.
Flashcards वापरा

Flashcards म्हणजे कागदाचा (पातळ कार्डबोर्ड) चा छोटा तुकडा असतो, त्याच्या पुढील आणि मागील बाजुस रिक्त जागा असते. Flashcards ने तुमचे ज्ञान (knowledge) टेस्ट करता येते.

त्यावर तुम्ही पुढील बाजुस key word or important point लिहून त्याचे उत्तर त्या flashcards च्या मागील बाजुस लिहा. Flashcards वर Text आणि Pictures चा वापर केल्यास अभ्यासाचे आकलन उत्तमरित्या होईल.

या लेखात दिलेल्या ७ मूलमंत्रांचा तुम्ही वापर केल्यास तुम्ही १० आणि १२ वीच्या परीक्षेत उत्तम मार्कांनी हमखास पास व्हाल.

१० वी  आणि १२ वीच्या सर्व विद्यार्थ्यांना परीक्षेसाठी अनेक शुभेच्छा 

यशस्वी व्हा 

वरील लेख तुम्हाला कसा वाटला याचा अभिप्राय कमेंट बॉक्स मध्ये नक्की लिहा.

विद्यार्थी सबलीकरण आणि विद्यार्थ्यांचा सर्वांगीण विकास हा माझा संकल्प आहे. तसेच विद्यार्थ्यांच्या जीवनात सकारात्मक बदल घडवुन त्यांना यशाची उत्तुंग भरारी घेण्यास सहकार्य करणे होय.

विद्यार्थ्यांचा सर्वांगीण विकास याबाबत तुम्हाला अधिक माहिती हवी असल्यास तुम्ही उत्तुंग भरारी या समूहात सामील व्हा.

उत्तुंग भरारी या समूहात सामील होण्यासाठी खालील दिलेल्या लिंक वर क्लिक करा.

https://www.facebook.com/groups/nitinbpatil

तसेच आपल्या मित्र मैत्रिणींना शेयर करा.

किंवा
9930610710 या मोबाईल नंबरवर संपर्क करा.

positivenitin1@gmail.com
sanrosatinp@gmail.com

या इ मेल ID वर मेल करा.

अनेक शुभेच्छा
नितीन पाटील
उत्तुंग भरारी
संस्थापक
विद्यार्थी करियर यशसारथी
Positive Energy Influencer
Student Empowerment Emthusiast